تحدي ال29 يوم

مرحباا يا قوم! خلصت ٢٠ يوم من تحدي الترجمة اللي سويتة لنفسي، واللي يشمل ترجمة عالاقل ٢٠ مقال و٤ فديوات خلال ٢٩ يوم. بعد ٢٠ يوم من الترجمة بشكل مستمر لاحظت سرعتي بالترجمة زادت، الصفحة اللي اترجمها بساعة صرت اترجمها بنص ساعة، والفديو اللي يتترجم بيومين صرت اترجمة بيوم واحد. صارت المقالات متاخذ غير جزء قليل من يومي، اخر شي بنهاية اليوم من معندي شي بعد اكعد واترجملي مقال شوية ويخلص، والفديوات اللي جان طولها ٩٠ دقيقة انتهت كلها خلال ٦ او ٧ ايام، وهذا اعتبرة انجاز حقيقي خاصة انو هية هاي اول تجربة الي بيها. خلال هاي الفترة اللي ركزت بيها عالمقالات فقط لاحظت انو الملل بدة يرجعلي، وكمت ما اترجم ليومين او ٣ وبعدين احاول اعوض اللي ما ترجمتة بأيام ثانية. وهالشي وصلني لقناعة انو تطوير المهارة صعب نوعا ما من ما عندي واهس بيه، يعني اذا اريد صدك اتطور لازم يكون الشي ممتع الي حتى صدگ اتقدم. مؤخرا هم صارت وياي مشاكل تقنية، من حيث لابتوبي عطل وهالشي خلاني صدك اعوف الترجمة. صح اني اكدر اترجم بالموبايل ومو صعبة بس تبقى مو نفس درجة الانتاجية والواهس والاتقان بالشغل، وهالشي جدا ديزعجني ومنتظرتة حتى ارجع واك...

  الله بالخير مرة ثانية! خلصت 10 ايام من تحدي ال29 يوم، اللي قررت بيه اطور مهاراتي بالترجمة من خلال ترجمة مقال بكل يوم، جان هدفي اوصل عالاقل 20 مقالة بس الصراحة صارت شوية تغييرات بالخطة. تعالو اسولفلكم شسويت: مشيت اول ايام حسب مخططي القديم وترجمت مقالتين ونص، وبعدين ورة فترة اجتني فرصة اترجم فديوات وجانت هاي نقطة تحول بالتحدي مالتي. هاي جانت تجربة جديدة الي واحتاجيت اجمع معلومات، فبديت ادور ع مواقع وتطبيقات تفيدني بالترجمة وجانت تجربتي وياها بالبداية بسيطة على هذا الفديو القديم عندي: ف بعد هالتجربة العنونة تحمست وكملت بنفس الموقع وتالي تقريبا انضربت بيه بوري وتكدرون تلكون تفاصيل البوري المعدل بهذا البلوك ،  فالمهم رجعت دورت ع برامج ثانية استخدمها للترجمة فلكيت agisubs  ,وتعلمت شلون استخدمة من هاي القناة الحلوة  واشتغلت لحد الان اكثر من 45 دقيقة، وهسا هاي نتائج شغلي: وجان شعور كلش مفرح الي من دا اتعب واجتهد والاحظ فرق، وانتبهت انو من اكعد اشتغل هيج انفصل عن العالم الخارجي واستمر ولا عبالك كاعدة اشتغل لساعات، وهذا شي جنت اعاني منة ببداية التحدي لان مجان الي واهس قوي هي...

  يا يابة يا بوية اخوان الله وفقني وجابولي فديو وكلولي تعاي ترجميه وسبتايتل وكذا وتعبانة ع نفسي وكلت يلا يا فاطمة خلص شتردين اكثر من هيج عبالي سويت انجاز ولكيت موقع شگاگي عساس اترجم بيه وشي وكعدتلة فد كعدة ع يومين ترجمت ١٨ دقيقة، نصهن جان ted talk عقلي انعوج من وراه ليش ما اجي الكة الموقع يكلي والله انت المسودة الك حق بس يومين تعدل عليها وراها متكدر تفتحها الا تدفع كذا مبلغ زين بسخنخدمك انوب الطامة الكبرى جنت فرحانة بيه واكول للناس عليه وعايشة المومنت من الاخير خبصت الامة العربية وانخبصت واكتشفت انو يابة اوكفو اني مصارلي بس يوم واحد، لابتوبي بيه مشكلة بالوقت والتاريخ لازم دوم ارجع اسويلة مزامنة عاد انفتحت المسودة رجعت نسخت فوك ال ١٠٠ سطر واحد واحد للوورد حتة اشوفلي غير چارة وتذكرت برنامج ثاني مال سبتايتلز رجعتلة واني جنت عبالي مستغنية وعدت تسطير كل الترجمات عالدقايق مرة ثانية 🥲🥲  بالنهاية احب اكول تعلمو مني ولتغلطون غلطي يمعودين قبل لتبدون مشروع ع موقع مجاني دعفسو ودورو عليه هواي يالة تأمنون، واستفادو من خبرة غيركم وسألوهم عالتطبيقات والسوفتويرات اللي يستخدموها وي...

الله بالخير! يابة اني فاطمة ياسر انسانة تريد تتعب ع نفسها بس تتعاجز ف شنو كلت اشارك بتحدي ال29 يوم. اني تخرجت ب 2019 من كلية اللغات اللي جان المفروض اني تعلمت بيها اترجم، بس مع الاسف ما طبقت اللي تعلمتة. ف قررت اجرب اتحدى نفسي واترجم مقالات حتى هم اتعلم اشياء حلوة جديدة وهم اجرب اترجم اشياء ما متعاملة وياها قبل. بعد ما تخرجت اشتغلت بمجال التعليم لمدة سنة تقريبا، وبالوقت اللي لاحظت انو اني مستمتعة بالتعليم  حسيت انو خلص صارت منطقة راحة ومحتاجة اطلع منها واجرب شي جديد، واني دائما احب من ابدي شي اكملة للنهاية اضوج اعوفة عالنص واحسن طريقة الي حتى انجز شي هوة انو اكابلة وخلص ما اسوي شي غيرة لحد ما يخلص. ولهالسبب قررت اترجم مقالة كل يوم لمدة 29 يوم، وراح احاول كل جهدي احقق هذا الهدف، واذا كلش كلش ما كدرت اريد اطلع بما لا يقل عن 20 مقالة مترجمة. خليت هذا التحدي لنفسي حتى استخدمة كدافع ثاني حتى افوز بمسابقة دا اشارك بيها، وهي مسابقة مشروع بيت الحكمة لترجمة مقالات ويكيبيديا وتوفير المحتوى العربي الها. ولاحظت انو غالبا ما الي واهس اكعد اترجم وشي واظل اتعاجز وهية هم فد شهر وتخلص مدتها واريد ا...